पटना, मिथिला मिरर : बिहार मे चुनावी बयानबाजी तेज भेल जा रहल अछि। कोरोना काल मे चुनाव होयब आब सुनिश्चित भ’ चुकल अछि। बिहार चुनावी ढंग मे रंगल जा रहल अछि। आरोप-प्रत्यारोपक दौरा मे आब नेता प्रतिपक्ष तेजस्वी यादव मुख्यमंत्री नीतीश कुमार पर निशाना साधलनि अछि। कहलनि जे मौजूदा सरकार केँ कारण बिहार मे करीब 7 करोड़ युवा बेरोजगार भ’ चुकल अछि। नीतीश सरकार हिनका सभक वर्तमान आ भविष्य दुनू बर्बाद भ’ चुकल अछि। नेता प्रतिपक्ष ट्वीट क’ पुछ्लनी अछि जे सरकार आखिर युवा सभकेँ रोजगार किएक नै दैत अछि। लालटेन मे दोष देखावै वला आईना मे चेहरा देख किएक नहि बता रहल अछि जे पैछला 15 साल मे बिहार मे कतेक रोजगार लेल उद्द्योग आ कल-कारखाना लागल।
बिहार के 7 करोड़ युवाओं का वर्तमान और भविष्य बर्बाद करने वाले मुख्यमंत्री बताए कि युवाओं को नौकरी क्यों नहीं दी जा रही है? लालटेन ले दूसरों में दोष ढूँढ मिट्टी में मिलने का वादा करने वाले दर्पण में चेहरा देख बताए कि 15 वर्षों में कितने उद्योग लगाए?
#रोज़गार_नहीं_तो_सरकार_नहीं pic.twitter.com/bAKPWeQ3qc— Tejashwi Yadav (@yadavtejashwi) September 20, 2020
अपन दोसर ट्वीट मे मुख्यमंत्री नीतीशक टांग खिचाई करैत चुनौती देलनि अछि जे सुशासन केँ नाम पर ढ़ोंग कएल जारहल अछि। एतबे नहि राज्यक कोनो थाना वा ब्लॉक पर बिना चढ़ावा कोना काज तक नहि होइत अछि। राज्य मे भ्रष्टाचार चरम पर अछि आ अपराध बेलगाम भ’ चुकल अछि। सरकार केँ चुनौती दैत कहलनि अछि जे जँ कोनो हमर बात पर शक सूबा होइन त’ भेष बदलि क’ हमरा संग चलौथ हकीकत पता चलि जेतनि।
मैं माननीय मुख्यमंत्री नीतीश कुमार जी को चुनौती देता हूँ कि वो बिहार के एक ऐसे थाना एवं ब्लॉक का नाम बता दें जहां बिना सुशासनी चढ़ावे के आम जनता का कोई काम होता हो? कोई शक हो अथवा यक़ीन ना हो तो भेष बदल कर मेरे साथ चले, दूध का दूध और पानी का पानी हो जाएगा। बोलिए क्या स्वीकार है? pic.twitter.com/qcIkZ3gcIA
— Tejashwi Yadav (@yadavtejashwi) September 20, 2020
विधानसभा चुनाव सँ पूर्व तेजस्वी केँ एही तरहक आक्रामक रुख देखि अंदाजा लगाओल जा सकैत अछि जे आबय वला समय मे चुनावी मंच कोन रंग मे रंगय जा रहल अछि। बढ़ी रहल जुबानी जंग क्तय जा रुकत एकर अंदाजा लगौनाइ एतेक सहज नहि थिक।
