हाजीपुर, मिथिला मिरर: बृहस्पति दिन नवादा रेलवे स्टेशन पर आयोजित एकटा कार्यक्रममे रेल राज्य मंत्री मनोज सिन्हा द्वारा किउल-गया रेलखण्डक दोहरीकरण तथा तिलैया-किउल रेलखण्डक विधुतीकरण काजक शुभारम्भ कएल जाएत। अहि कार्यक्रममे सूक्ष्म, लघु एवं मध्यम उद्यम राज्य मंत्री गिरिराज सिंह सेहो मौजूद रहताह।
अहि कार्यक्रमकेँ उपरांत मनोज सिन्हा 12 बजे गया स्टेशन पर नवनिर्मित पैदल पुल, विस्तारित प्लेटफार्म संख्या 8 एवं 9 तथा डीलक्स शौचायलकें उद्घाटन करताह। मंत्री गया स्टेशन सं रिमोट द्वारा डेहरी ऑन सोन स्टेशनकें उच्चीकृत प्लेटफार्माक उद्घाटन सेहो करताह। कार्यक्रममे अन्य गणमान्य लोकक संग पूर्व मध्य रेलक महाप्रबंधक डी.के. गायेन सेहो उपस्थित छलाह।
