समस्तीपुर, मिथिला मिरर: समस्तीपुर मे बढ़ैत अपराधक बीच पुलिस के एकटा पैघ सफलता भेटल अछि। पुलिस गुप्त सूचना पर कार्रवाई करैत जिलाक 50000 (पचास हजार रुपए) के ईनामी मोस्ट वांटेड अपराधी सुधाकर सिंह के गिरफ्तार केलक अछि।
सुधाकर के गिरफ्तारी के बाद पुलिस राहतक सांस लेलक अछि। सुधाकर पर जिलाक विभिन्न थाना मे 17 मामला दर्ज अछि। पुलिस आब छानबीन मे जुटल अछि जे, समस्तीपुर के अलावा अन्य कोनो जिला मे सुधाकर पर आपराधिक मामला दर्ज अछहि की नहि।
पुलिस गुप्त सूचना के आधार पर कार्रवाई करैत मुफ्फसिल थाना क्षेत्रक जितवारपुर चौथ आ विक्रमपुर बांदे के अलावा नगर थानाक स्टेशन रोड स अंग्रेजी शराबक बोतल के संग तीन गोटे के और गिरफ्तार केलक अछि।
