प्रेमी संग बनेने छल अपहरण’क योजना, पिता सं मंगने छल 70 लाखक फिरौती

एसएसपी मनोज कुमार कर्नाटक के बेलगाम मे एमबीबीएस पीजीक छात्रा अपहरणकांड मामला मे खुलासा करैत लड़की के सुरक्षित हेबाक दावा केलनि। अपहरण के पाछु प्रेम प्रसंगक मामला करार देल गेल आ कहल गेल जे, लड़की अप्पन प्रेमी अपहरण के साजिश रचने छल। 

दरअसल, घर सं गायब भेल लड़कीक प्रेमी कचहरी चौक स्थित राजहंस होटल मे रुकल छल, जकरा डा.केतन आ संगी डा. मणीकांत द्वारा बुक कराओल गेल छल। होटल के सीसीटीवी कैमरा के फुटेज मे दुनु के संग देखल गेल अछि। एसएसपी दावा केलनि जे, डा. केतन फोन सं अप्पन गलती स्वीकार केलनि अछि आ लड़कीक परिजन सं बातचीत केलनि। एसएसपी कहलनि जे, यैह दुनू फिरौतीक मांग सेहो केने छल।