बेगूसराय, मिथिला मिरर: निश्चय यात्रा भ्रमण कार्यक्रम के तहत मुख्यमंत्री नीतीश कुमार बृहस्पति दिन बेगूसराय पहुंचताह। बृहस्पति दिन ओ बेगूसराय समाहरणालय स्थित कारगिल विजय सभा भवन, बेगूसराय एवं खगड़िया मे जिला स्तरीय पदाधिकारीक संग बैसक करताह। अहि बैसक मे मुख्यमंत्री सात निश्चय विकास कार्यक समीक्षा करताह।
जिला प्रशासन द्वारा मिनट टू मिनट कार्यक्रमक जारी सूचनाक अनुसार मुख्यमंत्री आय 2.20 बजे आइओसीएल बरौनी टाउनशीप स्थित हैलीपैड पर हेलीकाप्टर स पहुंचताह तथा 5.00 बजे अपराह्न स सात निश्चय विकास कार्यक समीक्षा बैसक करताह। जहन कि शुक्रदिन 10.15 बजे पूर्वाह्न मे सदर प्रखंड स्थित ग्राम पंचायत सूजाक लेल रवाना हेताह। अहि पंचायत मे मुख्यमंत्री स्थल भ्रमण कय विकास कार्यक निरीक्षण करताह।
अहि के बाद सूजा पंचायत सरकार भवन एवं सौर ऊर्जा स्वचालित मिनी ग्रामीण पाइप जलापूर्ति योजनाक उद्घाटन करताह। निर्धारित कार्यक्रम के अनुसार मुख्यमंत्री सूजा पंचायतक 203 व्यक्तिक बीच पर्चाक वितरण करताह एवं पंचायतक स्थानीय लोक के संबोधित करताह।
