दरभंगा, मिथिला मिरर: फूलकोबी के भीतर सं छोट-छीन कीड़ा-मकोड़ा निकलनाई आम बात अछि। मुदा कोबी के भीतर सं सांप के निकलब लोक के अचंभित कय सकैत अछि। दरभंगा शहर निवासी विवेक ठाकुर बाजार सं कोबी किनि कय अनने छलाह। घर मे जहन महिला द्वारा कोबीक सब्जी काटय जा रहल छल, ताहि समय एकटा बच्चाक नजरि कोबीक भीतर सांप पर गेल आ घर मे अफरातफरी मचि गेल।
कोबीक फूलक भीतर सांप कुंडली मारि कय बैसल छल। घरके लोक दहशत के कारण कोबी के झोरा मे राखि फेंक देलक। अहि बाबत एकटा किसान के कहब छल जे, जारक समय मे फूलकोबी आ पातकोबी के भीतर कीड़ा आ चालीक संग छोट सांप के रहनाइ आम बात अछि।
