दुर्घटनाग्रस्त हेबा सं बाल-बाल बचल वैशाली एक्सप्रेस

    0
    35

    मुजफ्फरपुर, मिथिला मिरर: बैरौनी सं दिल्ली जा रहल वैशाली एक्‍सप्रेस ट्रेन दुर्घटनाग्रस्त हेबा सं बाल-बाल बचि गेल। मुजफ्फरपुर स्‍टेशन सं ट्रेनकें खुजितहि चक्कामे घर्षणक कारण चिंगारी निकलए लागल।देखते-देखते धुंआ उठल आ लोक हतोत्साहित होबए लागल। समस्‍या गंभीर हेबाक कारण ट्रेनकें वापस मुजफ्फरपुर स्‍टेशन आनल गेल। अहि घटनामे ट्रेनक एस 2 बोगी क्षतिग्रस्‍त भए गेल।

    ट्रेनमे यात्रा कए रहल यात्रीकेँ अनुसार ट्रेन बरौनी जंक्‍शन सं आगू निकलल आ समस्‍तीपुर पहुंचल वला छल, तखने चक्काकेँ बीच सं आगि निकलल, मुदा ओहि समय ध्यान नहि देल गेल। मुजफ्फरपुरमे सेहो अहि समस्‍या पर ध्‍यान नहि देल गेल आ गाड़ी आगू बढ़ा देल गेल। मुख्य जनसम्पर्क अधिकारी अरविन्द कुमार रजककें अनुसार मुजफ्फरपुर सं निकललाकें बाद एस2 बोगीकें समीप धुंआ निकलए लागल। तकरा बाद आनन-फाननमे ट्रेनकें वापस स्टेशन लाओल गेल।

    रेल अधिकारी एस 2कें यात्रीकेँ लेल विकल्‍पक तलाश कए रहल छल। विकल्पक बाद ट्रेनक समुचित मरम्मत कए ट्रेनकें मुजफ्फरपुर स्‍टेशन सं रवाना कएल गेल।

    LEAVE A REPLY

    Please enter your comment!
    Please enter your name here